Presidenti i Emirateve Arabe uron Ramën për fitoren: Do zgjerojmë bashkëpunimin

Presidenti i Emirateve të Bashkuara Arabe, Mohammed bin Zayed Al Nahyan ka uruar kryeministrin Edi Rama për fitoren e tij në zgjedhjet e 11 majit dhe marrjen e mandatit të katërt të qeverisje.

Në shkrimin e tij, presidenti i Emirateve të Bashkuara shprehet se ka besimin se bashkëpunimi mes Shqipërisë dhe Emirateve do të vijojë të zgjerohet.

“Urime të sinqerta kryeministrit Edi Rama për rezultatin e zgjedhjeve parlamentare të Shqipërisë. Lidhjet midis Emirateve të Bashkuara Arabe dhe Shqipërisë kanë dëshmuar një rritje të fortë vitet e fundit dhe kam besim se së bashku mund të vazhdojmë të zgjerojmë bashkëpunimin dhe të promovojmë zhvillimin e mëtejshëm për të mirën e kombeve dhe popujve tanë”,-shkruan Presidenti i Emirateve të Bashkuara Arabe, Mohammed bin Zayed Al Nahyan.

Kryeministri Edi Rama do të qeverisë vendin edhe për katër vite të ardhshme. Partia Socialiste fitoi bindshëm në zgjedhjet e 11 majit, duke shënuar fitoren më të madhe ndonjëherë që pas  vendosjes së pluralizmit në Shqipëri.

PS ka arritur të sigurojë e vetme 83 mandate, ndërkohë që ende vijon të numërohet vota e diasporës.

LEXONI GJITHASHTU:

• Viktor Orban uron Ramën për fitoren: Mezi pres t’ju shoh të premten
• “Fitore historike”, Kryeministri britanik, Starmer uron Ramën