Përndiqte një të mitur dhe i merrte para me anë të kërcënimit, në pranga 35-vjeçari

Një 35-vjeçar në Tiranë është arrestuar pasi prej një viti përndiqte një të mitur. Ai dyshohet se për një vit e ka kërcënuar të miturën dhe i ka marrë asaj shuma të konsiderueshme parash.

Rasti është denonduar në polici nga familjarët e vajës dhe 35-vjeçari është arrestuar, për veprat penale “Përndjekja” dhe “Shtrëngimi me anë të kanosjes ose dhunës për dhënien e pasurisë”

Njoftimi i policisë:

Si rezultat i veprimeve hetimore të kryera mbi bazën e kallëzimit të bërë nga familjarët e një shtetaseje të mitur, specialistët për Hetimin e Krimeve të Komisariatit të Policisë Sarandë ndaluan me iniciativë shtetasin E. G., 35 vjeç, banues në Sarandë.

Bazuar në kallëzimin e familjarëve dhe në provat e siguruara gjatë hetimit, ky shtetas dyshohet se e ka përndjekur të miturën, përreth 1 vit, dhe duke e kanosur, i ka marrë asaj, një shumë të konsiderueshme parash.

Materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Sarandë, për veprat penale “Përndjekja” dhe “Shtrëngimi me anë të kanosjes ose dhunës për dhënien e pasurisë”.

LEXONI GJITHASHTU:

• Trump takon udhëheqësin e ri të Sirisë pas premtimit për heqjen e sanksioneve
• U arrestua për blerje votash, GJKKO liron babanë e kandidates së PSD