Palestinezët largohen pas kërcënimit të Izraelit për sulm në Khan Younis

Për shkak të kërcënimit me sulme, palestinezët janë detyruar të migrojnë nga rajoni Khan Younis i Rripit të Gazës, ku Izraeli ka vazhduar gjenocidin e tij që nga 7 tetori 2023, raporton Anadolu.

Sipas dëshmitarëve, qindra familje palestineze nga rajoni Khan Younis në jug të Gazës kanë ikur në zonat lindore për shkak të sulmeve ajrore intensive izraelite.

Palestinezët duke u larguar nga shumë zona, përfshirë Bani Suheila dhe Abasan në lindje të Khan Younis, po përpiqen të shpërngulen në vende më të sigurta.

Për shkak të mundësive të kufizuara të transportit dhe rrugëve të dëmtuara, palestinezët u detyruan të largohen nga zona në këmbë dhe me karroca të tërhequra nga kuaj.

Palestinezët që u detyruan të migrojnë thanë për Anadolu se ndërmorën veprime pasi ushtria izraelite kërcënoi me evakuim të menjëhershëm në përgatitje për një sulm ndaj rajonit të tyre, “por që ata nuk dinë se ku të shkojnë” dhe se “asnjë zonë nuk është e sigurt”.

– Ushtria izraelite shkeli armëpushimin dhe ndërmori veprime për pushtim të përhershëm të Gazës

Pas armëpushimit që hyri në fuqi më 19 janar në Rripin e Gazës, ushtria izraelite rifilloi sulmet e saj të dhunshme mëngjesin e 18 marsit.

Që kur ushtria izraelite rifilloi sulmet e saj, 3.340 palestinezë, kryesisht të moshuar, gra dhe fëmijë, janë vrarë ndërsa 9.357 të tjerë janë plagosur.

Numri i palestinezëve të vrarë në sulmet e Izraelit në Rripin e Gazës që nga 7 tetori 2023 është rritur në 53.475 ndërsa numri i të plagosurve në 121.398.

LEXONI GJITHASHTU:

• Franca, Britania dhe Kanada dënojnë ofensivën izraelite në Gaza
• “Bisedë e dobishme”, Çfarë u deklarua pas bisedës së Putin dhe Trum