“Më ka ikur gruaja, më mori djalin”- Burri në lot: S’e dija që ishte martuar 3 herë

24 Maj 2025 | 14:54

Konfliktet në familje po prodhojnë histori nga më të ndryshmet dhe më absurdët. E tillë është ajo që ka ndodhur në familjen Mikaj.

Kryefamiljari Gjovalin Mikaj nga Boga ka denoncuar në polici dhe në media pretendimin e tij se bashkëshortja është larguar në drejtim të paditur nga shtëpia dy ditë më parë, së bashku me të birin 15 muajsh.

“Jam Gjovalin Mikaj nga fshati Boga i Malësisë së Madhe. Kam një hall, kam dy ditë më ka ikur gruaja dhe më ka marrë edhe djalin. Nuk po gjej rrugëzgjidhje as te policia. Kam ndenjur gati tërë natën dhe nuk më kanë zgjidhur problemin. Ju kërkoj ju ndihmë për të ma gjetur djalin. Nuk e di a ka mundur me e shitur, nuk e di ku ndodhet për momentin.
Kam bërë denoncim dhe as Malësia e Madhe e as Shkodra nuk më kanë kthyer përgjigje.
E kam mbajtur tre muaj djalin, pasi iku në Itali dhe ma la te Kisha e Madhe. E kam mbajtur me sakrifica e mund, për atë djalë jap jetën. Ju kërkoj të më gjeni djalin, gruan nuk e dua. Atë nuk e dua, me mua nuk ha bukë kurrë në jetë ajo. Dua vetëm djalin”, tha ai.

Në çiftin Mikaj konfliktet kishin disa muaj që kishin agravuar deri në situatë absurde, ku bashkëshorti shprehet se nuk ishte në dijeni se gruaja e tij kishte pasur 3 martesa më parë dhe dy vajza.

“Familja e ka nxjerrë jashtë, ka lënë dy vajza në Itali dhe unë nuk kam qenë në dijeni për çfarë ka ndodhur. Ka qenë e martuar tri herë. Unë për një herë e kam ditur, por jo për tri. Më ka denoncuar edhe në polici sikur e kam rrahur, por gjykata nuk i ka marrë parasysh akuzat e rreme. Jam prishur me babanë dhe familjen time për atë. E ka marrë dikush e ka rrejtur. Por unë dua vetëm djalin”, tha ai.

Tashmë ka mbetur në duart e organeve të drejtësisë që kjo situatë të marrë një zgjidhje për babain që është në kërkim të fëmijës së tij.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Erion Braçe del kundër Ramës për Zvërnecin (VIDEO)

Deputeti Erion Braçe ka folur lidhur me mënyrën se si po trajtohet publikisht projekti i investimit strategjik në Zvërnec. Në një reagim publik, Braçe theksoi...
14:05 | 04/06/2026

Vrasja e policit gjatë operacionit në Maliq, Lamallari nga Trauma: Hetim i thelluar mbi përgjegjësitë

Ministri i Brendshëm, Besfort Lamallari, njoftoi se kanë nisur procedurat për shpalljen e efektivit Enea Mekolli, i cili humbi jetën gjatë kryerjes së detyrës, me...
13:47 | 04/06/2026

Plumba mbi policinë, vritet efektivi në krye të detyrës, plagoset kolegu i tij

Një punonjës policie u vra dhe një tjetër u plagos gjatë një operacioni për kapjen e një personi në kërkim prej vitesh në fshatin Podenë,...
13:30 | 04/06/2026