Dhunuan një 26-vjeçar në Elbasan, shpallen në kërkim babai dhe 2 djemtë e tij

Një 54 vjeçar me inicialet G.B. dhe dy djemtë e tij A. B., 23 vjeç dhe A. B., 22 vjeç, u shpallën në kërkim nga policia e Gramshit pasi kanë dhunuar një 26-vjeçar.

Sipas njoftimit të policisë babai me dy djemtë e tij për motive të dobëta kanë goditur me grushte dhe me send të fortë metalik një 26-vjeçar, duke i shkaktuar dëmtime fizike. 26-vjeçari është aktualisht në kujdesin e mjekëve dhe jashtë rrezikut për jetën

Njoftimi i policisë:

Specialistët për Hetimin e Krimeve të Komisariatit të Policisë Gramsh shpallën në kërkim, për veprën penale “Plagosja e lehtë me dashje”, kryer në bashkëpunim, shtetasit G. B., 54 vjeç, A. B., 23 vjeç dhe A. B., 22 vjeç, (babai me 2 djemtë), pasi dyshohet se për motive të dobëta, kanë goditur me grushte dhe me send të fortë metalik një 26-vjeçar, duke i shkaktuar dëmtime fizike. 26-vjeçari është aktualisht në kujdesin e mjekëve dhe jashtë rrezikut për jetën. Vijon puna për kapjen e 3 shtetasve.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU:

• Solli 338 mijë euro drogë në valixhe nga Tajlanda, kush është i arrestuari në Rinas
• “Putin është çmendur”- Kritikat e forta të Trump, nuk “kursehet” as Zelensky