Solli 338 mijë euro drogë në valixhe nga Tajlanda, kush është i arrestuari në Rinas

26 Maj 2025 | 12:47

Dhimitër Shehu, 39 vjeç, banues në fshatin Kras të Tepelenës, është arrestuar të hënën në aeroportin e Rinasit, pasi në valixhen e tij u kap një sasi prej 19.4 kilogramësh lëndë narkotike të llojit kanabis sativa, me përqindje të lartë të përbërjes aktive THC.

Sipas burimeve zyrtare, vlera e drogës në treg llogaritet rreth 338 mijë euro. Hetimet paraprake tregojnë se lënda narkotike ishte e destinuar për t’u shitur në tregun e Tiranës.

I arrestuari kishte mbërritur në Shqipëri nga Tajlanda, vend ku dyshohet se kishte blerë kanabisin që tentoi të trafikonte në territorin shqiptar. Policia e ka sekuestruar lëndën narkotike në cilësinë e provës materiale.

Ndërkohë, strukturat hetimore po vijojnë punën për të identifikuar dhe arrestuar persona të tjerë të përfshirë në këtë rrjet të trafikimit ndërkombëtar të drogës.

Materialet procedurale i janë referuar Prokurorisë së Tiranës për veprime të mëtejshme ligjore.

Home Kryefaqja
Shiko në: YouTube
Lajme të Sugjeruara

Rikthehet MABCO në Aeroportin e Vlorës pas vendimit të Gjykatës së Lartë, pritet rinisja e punimeve

Pas zbardhjes së vendimit të Gjykatës së Lartë, përfaqësuesit e kompanisë MABCO, së bashku me nënkontraktorët e saj, pritet të rikthehen këtë të premte në...
09:07 | 26/06/2026

Të shtënat në Shkodër, arrestohen 2 persona dhe shpallet në kërkim 1 tjetër. Sekuestrohen armë dhe municione (VIDEO)

Dy persona janë vënë në pranga nga policia në Shkodër. Ata u arrestuan lidhur me të shtënat e regjistruara mbrëmjen e së enjtes në lagjen...
09:06 | 26/06/2026

Moti i keq, aksident në hyrje të tunelit të Skërficës

Një aksident rrugor është regjistruar mbrëmjen e sotme në hyrje të tunelit të Skërficës, në rrugën kombëtare Kardhiq-Delvinë. Një automjet ka dalë nga rruga duke...
22:32 | 25/06/2026