Në kërkim për kultivimin e 161 bimëve narkotike, vihet në pranga 53-vjeçari

Policia e Malësisë së Madhe ka zhvilluar disa kontrolle për kapjen e personave të shpallur në kërkim. Si rezultat i hetimeve, policia ka arritur të vërë në pranga shtetasin me iniciale L. K., 53 vjeç, banues në fshatin Ivanaj.

53 vjeçari ishte shpallur në kërkim pasi Gjykata e Shkallës së Parë e Juridiksionit të Përgjithshëm Shkodër i ka caktuar masën e sigurisë “Arrest në burg”, për veprën penale “Kultivimi i bimëve narkotike”, kryer në bashkëpunim.

Shtetasi L. K. dyshohet se në bashkëpunim me 3 shtetas të tjerë, në muajin korrik 2023, ka kultivuar 161 bimë kanabisi, në fshatin Ivanaj.

LEXONI GJITHASHTU:

• Qyteti i Vlorës pa ujë, sa pritet të zgjasë ndërprerja
• E rëndë! Humbi kontrollin e automjetit e përfundoi në kanal, humb jetën 28-vjeçari