Lirohet ish-deputeti i Kosovës pas ndalimit nga autoritetet serbe

Ish-deputeti i Kuvendit të Republikës së Kosovës, Gramos Agusholli, është liruar sot nga autoritetet serbe, pasi ishte ndaluar në pikën kufitare në Merdarë gjatë rrugës për në Slloveni.

Lajmin e ka konfirmuar Ministria e Punëve të Jashtme dhe Diasporës (MPJD) e Kosovës, duke theksuar se Agusholli ka vazhduar rrugën e tij pas lirimit.

MPJD e ka cilësuar ndalimin e tij si një veprim të papranueshëm dhe represiv nga ana e Serbisë, duke rikujtuar se raste të tilla përbëjnë shkelje të parimeve të së drejtës ndërkombëtare dhe të konventave për të drejtat e njeriut.

“MPJD do të vazhdojë të përcjellë me vëmendje çdo situatë që cenon të drejtat e qytetarëve të Republikës së Kosovës dhe i bën thirrje Bashkësisë Ndërkombëtare të reagojë ndaj Serbisë për ndalimin e praktikave të tilla represive”, thuhet në njoftimin zyrtar.

LEXONI GJITHASHTU:

• Ish-deputeti i Kosovës ndalohet nga autoritetet serbe në Merdarë
• Britania do t’i kërkojë Kosovës ngritjen e kampeve të emigrantëve