Mbi 10 persona u plagosën pasi një lis 50-vjeçar u rrëzua në Venecia

Mbi 10 persona, përfshirë turistë të huaj, mbetën të lënduar nga rrëzimi i një peme lisi të hënën në Venecia.

Pema 50-vjeçare ra pranë një stacioni autobusi në Piazzale Roma, ndalesa e fundit për autobusët dhe taksitë që hyjnë në qytet, sipas zyrtarëve të qytetit.

Të plagosurit po prisnin në një zonë me hije kur pema ra. Shkaku i incidentit është aktualisht i panjohur.

Një grua 30-vjeçare italiane ka mbetur e lënduar rëndë, ajo ishte ulur në një mur pranë pemës me dy fëmijët e saj të vegjël kur pema ra, raportuan mediat italiane. Gruaja ishte në gjendje kritike me lëndime në bark, ndërsa fëmijët e saj nuk u plagosën rëndë dhe u vendosën nën kujdes psikologjik, sipas zyrtarëve të spitalit.

LEXONI GJITHASHTU:

• “Kokat e bandës, nga Vlora” Detaje nga operacioni i SPAK: Si çohej droga në Finlandë
• Dumani dhe homologët finlandezë japin detaje nga operacioni: U kapën 300 kg drogë