Gjykata e Apelit në Greqi shpall fajtorë 10 persona për zjarret vdekjeprurëse

Gjykata e Apelit greke shpalli sot fajtorë 10 persona dhe liroi nga akuzat 11 të tjerë për shpërthimin e zjarreve në pyje në vitin 2018, kur humbën jetën 104 persona.

Gjykata konfirmoi vendimin e vitit të kaluar të gjykatës së shkallës së parë, por urdhëroi që katër persona të tjerë të akuzohen për vrasje të paqëllimshme, kështu që u akuzuan gjithsej 10 persona, raportoi “Reuters”.

Midis tyre janë ish-zyrtarë të brigadës së zjarrfikësve, si dhe një burrë i akuzuar për zjarrvënie të qëllimshme, thanë burime gjyqësore.

11 persona u liruan nga akuzat, përfshirë guvernatorët rajonalë.

Vendimet do të jepen të mërkurën, raportoi “Reuters”.

Të pandehurit mund të marrin dënime me burgim me kusht ose burgim, alternativa e të cilave mund të jetë një gjobë.

Në korrik të vitit 2018, 104 persona humbën jetën dhe dhjetëra të tjerë u plagosën në një zjarr që shkatërroi qytetin bregdetar të Matit, rreth 27 kilometra në lindje të Athinës.

LEXONI GJITHASHTU:

• Greqia ashpërson ligjet për azilkërkuesit
• Vrasja e Altin Arapajt në Greqi, si u kap rastësisht shqiptari i dyshuar si autor