Përfshihet nga flakët banesa dykatëshe në Berat, 3 zjarrfikëse në vendngjarje

Një zjarr ka rënë këtë pasditen e së enjtes në një banesë dykatëshe në lagjen Uznovë të qytetit të Beratit.

Sipas njoftimit nga Drejtoria e MZSH-së në Bashkinë Berat, ngjarja është raportuar rreth orës 16:20 dhe menjëherë janë nisur në vendngjarje tre mjete zjarrfikëse dhe grupi i shërbimit.

Zjarri ka përfshirë katin përdhes të banesës me pronar Riza Keçi, por falë ndërhyrjes së shpejtë të zjarrfikësve, situata është vënë nën kontroll pa rrezikuar jetën e banorëve.

Zjarri ka shkaktuar dëme të pjesshme materiale, ndërsa të gjitha ambientet e banesës janë përshkuar nga tymi. Shërbimet zjarrfikëse po vijojnë hetimet për të përcaktuar shkakun e zjarrit.

LEXONI GJITHASHTU:

• Përfshihen nga flakët dy makina në Maliq, dyshimet e para të policisë
• Gjykata e Apelit në Greqi shpall fajtorë 10 persona për zjarret vdekjeprurëse