Operacioni “URA”, shqiptari i arrestuar në Belgjikë ekstradohet në Itali

Një shtetas shqiptar i cili u arrestua më 21 maj në Arlon të Belgjikës nga ekipi belg FAST, si pjesë e operacionit ndërkombëtar “URA” iu dorëzua këtë të premte autoriteteve italiane.

Operacioni, i koordinuar nga Drejtoria e Antimafias së Qarkut (DDA) në Bari në bashkëpunim me autoritetet shqiptare, është pjesë e një hetimi më të gjerë që ka çuar në lëshimin e 52 urdhër-arresteve nga Gjykata e Barit, me kërkesë të Prokurorisë lokale të Antimafias.

Ky hetim ndodhet ende në fazën paraprake dhe kërkon konfirmim procedurial përmes marrjes në pyetje në prani të mbrojtjes.

Kapja e shtetasit shqiptar u bë e mundur falë bashkëpunimit të ngushtë ndërkombëtar, përfshirë Shërbimin Ndërkombëtar të Bashkëpunimit Policor dhe rrjetin evropian ENFAST, nëpërmjet ekipeve FAST të Italisë, Belgjikës dhe Luksemburgut.

Hetimi transnacional dhe ndjekja e ngushtë çuan në lokalizimin e të kërkuarit mbrëmjen e 20 majit në kufirin midis Luksemburgut dhe Belgjikës.

LEXONI GJITHASHTU:

• EMRI| Operacioni “Ura”, arrestohet në Belgjikë shqiptar i shpallur në kërkim
• Euronews siguron dosjen e plotë të operacionit “Ura”, si funksiononte grupi kriminal