2 milionë euro dëm nga shkeljet në administratë, 620 mijë vetëm nga tatim-taksat

Institucionet publike kanë kryer shkelje financiare të cilat i kanë shkaktuar buxhetit të shtetit një dëm prej 2 milionë eurosh. Shifra del në një raport të brendshëm të ministrisë së Financave për vitin 2024.

Në kontrollin fnanciar, ministria gjeti 7,256 procedura me shkelje,  devijime në sistemet e administrimit të pronës publike, prokurimeve, pagesave, shpërblimeve, menaxhimit të aseteve dhe sistemit të tatim-taksave, si dhe në fusha të tjera përkatëse të veprimtarisë së njësive publike.

Auditimi i brendshëm luan një rol të rëndësishëm në identifikimin e parregullsive që mund të sjellin pasoja financiare për institucionet publike.

Konkretisht dëmi i gjetur në sistemin tatim-taksa është rreth 620 mijë euro në tatim-taksa, në paga e shpërblime 185 mijë, në prokurim blerje dhe investime 170 mijë, në administrim prone dhe pasuri  dhe 150 mijë euro në privatizime, shitje dhe qiradhënie.

Për vlerën e efektit negativ të shkaktuar është kërkuar rikuperimi i shumës dhe ndjekja e arkëtimit deri në zhdëmtimin e plotë.

Këto gjetje tregojnë për nevojën e forcimit të mekanizmave të kontrollit dhe të llogaridhënies në administratën publike.

Ministria e Financave ka gjetur një dëm të përafërt me vlerë 2 mln euro në vitin 2024. Ajo ka kontrolluar bilancet në prokurime, taksa e shpronësime dhe i ka referuar shkeljet në raportin vjetor financiar. pic.twitter.com/w5SeYuia55

— Euronews Albania (@EuronewsAlbania) June 10, 2025

LEXONI GJITHASHTU:

• Kreu i KLSH: Shiteshin akullore me Oksid Etileni në 2021, shkaktojnë kancer
• “Mbyllën sytë, por disa kanë vdekur”, gazetari: Pse nuk paditi KLSH për Onkologjikun