Shtohen fëmijët alergjik, mjekja: Mos u vetëmjekoni

Fëmijët alergjik po shtohen çdo ditë. Kjo evidentohet edhe nga mjekët në spitalin ditor në QSUT. Ata pohojnë se aktualisht janë të aktivizura të gjitha llojet e alergjive qoftë ato respiratore nga polenet, por edhe alergjitë gjithëvjetore nga myku,  pluhuri  apo alergjitë ushqimore.

“Tek fëmijët sëmundjet alergjike janë rritur, dhe fluksi vazhdon e rritet nga viti në vit. Dy palët rëndohen në këtë periudhë, rëndohet qoftë rrufa, qoftë azma”, tha Eris Mësonjësi Alergologe, QSUNT.

Mjekja apelon që në çdo rast kur kemi një episod alergjik të mos vetëmjekohemi.

“Këshilla imë është që pacientët që kanë probleme me alergjitë të paraqiten tek alergologu që të marrin shërbimin e duhur dhe të mos abuzohet me mjekimet direkt në farmaci, sepse jo gjithmonë japin efektet e duhura”, shton alergologia.

Në spitalin ditor janë të shumtë pacientët kronik që paraqiten për të marrë mjekimet dhe kryer ekzaminimet. I gjithë shërbimi ofrohet brenda 24 orëve pa patur nevojën e shtrimit në spital.

LEXONI GJITHASHTU:

• Nga mushkonjat te grerëzat, mjekja: Çfarë duhet të dini për pickimet gjatë verës
• Kush ishin katër gjeneralët iranianë të vrarë në sulmin izraelit?