Botërori i Formula 1: Russel triumfon në Kanada, përplasje mes pilotëve të McLaren

Një performancë e jashtëzakonshme dhe më në fund vjen fitorja e parë për George Russell në botërorin e Formula 1, me britanikun që e kaloi i pari vijën e finishit. Gara e Kanadasë ishte interesante edhe pse 27-vjecari dominoi nga fillimi deri në fund, ndërsa e sheh veten në vendin e katërt në renditjen e përgjithshme të pilotëve. Për disa momente vuante presionin e 4 herë kampionit të botës, Max Verstappen, por ky i fundit nuk shkon më tepër se vendi i dytë.

Në vendin e tretë u rendit Antonelli, duke regjistruar kështu një sukses të pilotëve italianë, të cilët janë në krizë absolute rezultati. Sa i përket McLaren ishte një garë për tu harruar, sidomos pas asaj përplasje mes dyshes Piastri-Norris, ku u desh ndërhyrja e makinës së sigurisë. Pilotët po garonin ndaj njëri-tjetrit duke mos lëshuar terren, ndërsa erdhi dhe përplasja me Norris që doli jashtë.

Piastri arriti të ruajë vendin e katërt duke lënë pas dyshen e Ferrarit Leclerc-Hamilton. Sa i përket renditjes së përgjithshme deri më tani këtë sezon në Formula 1, Piastri kryeson me 198 pikë i ndjekur nga Norris e Verstappen, teksa për skuderitë, McLaren është drejt një suksesi të padiskutueshëm.

LEXONI GJITHASHTU:

• Schumacher në radarët e Audi-t për vitin në 2025 në Formula 1
• Çmimi rekord për Ferrarin e drejtuar nga Michael Schumacher