“Me armë shkohet drejt barbarizmit”, apeli i Papa Leoni XIV: Lufta është disfatë
Në një thirrje të fortë për paqe, Papa Leoni XIV ka shprehur shqetësimin e thellë të Vatikanit për luftërat që po tronditin botën, duke përmendur veçanërisht konfliktet në Ukrainë, Iran, Izrael dhe Rripin e Gazës.
Gjatë përshëndetjes së tij drejtuar besimtarëve italofolës në fund të audiencës së së mërkurës, Ati i Shenjtë u ndal me tone të ashpra kundër normalizimit të luftës.
“Zemra e Kishës është e shqyer nga britmat që ngrihen nga vendet e luftës,” deklaroi Papa, duke theksuar se “nuk duhet të mësohemi me luftën, përkundrazi duhet ta hedhim poshtë si tundim joshjen e armatimeve të fuqishme dhe të sofistikuara.”
Duke cituar paraardhësit e tij, Papa Leoni XIV kujtoi fjalët e Papa Franceskut, duke paralajmëruar se “në luftën e sotme, ku përdoren armë shkencore të çdo lloji, mizoria e saj kërcënon të çojë luftëtarët drejt një barbarie shumë më të madhe se ajo e kohërave të kaluara.”
“Prandaj, në emër të dinjitetit njerëzor dhe të drejtës ndërkombëtare,” shtoi ai, “u përsëris atyre që janë përgjegjës atë që thoshte Papa Françesku: lufta është gjithmonë një disfatë. Dhe me Piun XII: asgjë nuk humbet me paqen, gjithçka mund të humbasë me luftën.”
Apeli i Papës vjen në një kohë tensioni të lartë ndërkombëtar, ku përplasjet ushtarake dhe pasojat humanitare po marrin përmasa gjithnjë e më shqetësuese.
LEXONI GJITHASHTU:
Witkoff dhe Kushner zbarkojnë në Katar për bisedime rreth luftës me Iranin
Britania propozon rregulla të reja për platformat mobile të Apple dhe Google
Eksperti i astronomisë: Asteroidi më i rrezikshëm që do t’i afrohet Tokës në vitin 2028
- 12:56 Merz reagoi për kombëtaren gjermane pas humbjes në Botëror, kritikohet kancelari gjerman
- 12:52 Witkoff dhe Kushner zbarkojnë në Katar për bisedime rreth luftës me Iranin
- 12:47 Qëllohet sërish me vezë makina e një prej deputetëve (VIDEO)
- 12:47 Aksident në aksin Vlorë–Llakatund, përplasen dy automjete (VIDEO)
- 12:44 Frontex: Rusët, kinezët dhe turqit keqpërdorin regjimin pa viza të Ballkanit Perëndimor
- 12:43 Kombëtarja U-21 do të marrë pjesë në Lojërat Mesdhetare “Taranto 2026”, grupet kundërshtare që do luajnë