Në pranga 40-vjeçari i dënuar me dy vite burgim, shiti makinat e marra me qira

Një 40-vjeçar ka rënë në prangat e Policisë së Elbasanit, pasi ishte shpallur në kërkim pas një vendimi të dhënë nga Gjykata e Apelit në Tiranë.

I arrestuari, M.Z., 40 vjeç, ishte dënuar për veprën penale “Mashtrimi”, kryer në bashkëpunim, pasi së bashku me dy shtetas të tjerë kishte tjetërsuar pronësinë mbi automjete të marra me qira dhe i kishte shitur ato.

Nga dënimi me 2 vite burgim, atij i kishin mbetur për të vuajtur edhe 8 muaj burg.

Njoftimi i plotë i policisë

“Shiti automjetet që mori me qira, lokalizohet dhe vihet në pranga 40-vjeçari i shpallur në kërkim.

Si rezultat i kontrolleve, me objektiv kapjen dhe nxjerrjen përpara përgjegjësisë penale të shtetasve të shpallur në kërkim, specialistët për Hetimin e Krimeve Ekonomiko-Financiare ndaluan shtetasin M. Z., 40 vjeç, banues në Elbasan.

Gjykata e Apelit e Tiranës e ka dënuar me 2 vjet burgim, për veprën penale “Mashtrimi”, kryer në bashkëpunim, sepse bashkë me 2 shtetas të tjerë, ka tjetërsuar pronësinë mbi automjete që ka marrë me qira, dhe i ka shitur ato.

Nga ky dënim, 40-vjeçarit i kanë mbetur për të vuajtur 8 muaj burgim.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme”, thuhet në njoftimin e policisë.

LEXONI GJITHASHTU:

• “Më vodhën Audin”- Arrestohet 39-vjeçari, bëri kallëzim të rremë për makinën me qera
• E solli në Tiranë për ta vrarë, autori rezulton babai i 24-vjeçares: Zbardhet motivi