1100 qytetarë fitojnë nga programi i kredive të buta, 18 muaj për të gjetur banesë

Bashkia e Tiranës ka shpallur 1100 emra fitues ne programin e strehimit me kredi te buta. Tashme, te gjithë individët kane 18 muaj kohe për te blere apartament.

1100 qytetarë në Tiranë kanë fituar të drejtën për të blerë banesë, pasi bashkia u financon atyre një pjesë të shumës, e cila mund të shlyhet në vite me interes të fiksuar 3%. Nga programi i strehimit me kredi të buta, këtë vit bashkia financon sipas tipologjive të banesave, nga 5.6 ne 12.4 mln lekë.

 Fituesit e këtij programi, tashmë kanë 18 muaj kohë për të gjetur apartamentin dhe për të proceduar me pronarin e saj dhe bankën deri në transaksionin e plotë.

Ndërkohë, nëse kanë pengesa në gjetjen e shtëpisë, ata  duhet të raportojnë në bankë mbi situatën, me qëllim që të shfaqin interesin mbi marrjen e kredisë dhe pamundësisë për të gjetjen e banesës.

Programi i strehimit me kredi të buta, hapet herë pas here nga bashkia e kryeqytetit dhe synon të ndihmojë individët apo familjet me moshë të re, të cilët janë edhe më të favorizuarit në pikëzim për të fituar.

Megjithatë, çmimet e larta në kryeqytet, edhe për shumë fitues e bëjnë të pamundur blerjen e një apartamenti, në rast se individi nuk ka para shtesë të kursyera apo të mbledhura në forma të tjera.

LEXONI GJITHASHTU:

• Kompanitë shqiptare “në krizë” për staf, gjejnë zgjidhje te punëtorët e huaj
• Raporti i INSTAT: Sëmundjet e zemrës, shkaku kryesor i vdekjeve në 2024