Kompanitë shqiptare “në krizë” për staf, gjejnë zgjidhje te punëtorët e huaj

Mungesa e stafeve, i ka drejtuar kompanitë shqiptare, drejt punëtorëve të huaj. Të parat në listë, gratë nga Filipinet. Në hotele, në restorante buzë detit, në qendra estetike dhe deri në familje, ato i gjen kudo.

 “Tek filipinezët jemi fokusuar sepse janë shumë punëtore, dinë mirë cili është vendi dhe pozicioni i tyre pa cenuar privatësinë e asnjë familjeje, apo në hotele. Ne sjellim nga 20-80 persona në muaj”,-tha Xhoana Sita.

Kontratat zgjasin deri në një vit, por me mundësi rinovimi, nëse të dyja palët janë të kënaqur me njëri tjetrin. Pagesat përfshijnë akomodimin, ushqimin dhe transportin falas. Kompanitë janë ata që merren kujdesen për të gjithë procesin, që nga dokumentet, viza, testet mjekësore, trajnimi.

“Fillohet duke bërë disa kandidatura, bëjmë intervistat, i filtrojmë dhe brenda një muaj i gjejmë një punë. Bëjmë dhe disa intervista me klientët dhe kur janë dakord pagën qytetin dhe punët dhe fillojmë procesin e vizës, deri në 4-6 javë del viza dhe vjen në Shqipëri”.

Profesioni më i vlerësuar është shef sushi, paguhet deri në 2500 euro, ndërsa sanitarja fillon 600 euro neto.

Brenda është 37 vjeçe. Ajo ka lënë familjen e saj në Filipine dhe po punon në Shqipëri, në një sallon bukurie.

Në Filipine, kujdesesha për fëmijët e mi, kisha një biznes atje por nuk po shkonte si duhet. Këtu merrem me trajtimet estetike. Jam shumë e lumtur këtu, njerëzit janë të sjellshëm, i vetmi problem është gjuha, por kam mësuar diçka.

Ndërkohë që një pjesë e madhe e të rinjve shqiptarë vazhdojnë të largohen nga vendi, tregu i brendshëm po plotësohet me punëtorë të huaj. Filipinezet nuk janë më thjesht një prani e re, por pjesë e përditshmërisë në Shqipëri dhe për shumë sektorë, një zgjidhje e domosdoshme.

LEXONI GJITHASHTU:

• Rriten të ardhurat në arkën e shtetit, në 5 muaj u arkëtuan 306 miliardë lekë
• Seanca për “Gërdecin”, Mediu: Proces politik! Ja pse kërkuam dëshmitarët amerikanë