Malltezi kërkoi daljen nga arresti shtëpiak, seanca shtyhet për në fund të qershorit

Këtë të enjte ishte parashikuar një seancë ku GJKKO do të shqyrtonte një kërkesë tjetër të Jamarbër Malltezit për revokimin e masës së sigurisë “arrest shtëpie”, të caktuar ndaj tij në kuadër të hetimeve të nisura nga SPAK për çështjen e ish-klubit “Partizani”.

Megjithatë, kjo seancë është shtyrë për në një datë tjetër ku gjykata ka vendosur ta shqyrtojë kërkesën e Malltezit më 30 qershor në orën 09:30.

Kujtojmë se Malltezi ndodhet nën hetim për çështjen e privatizimit të ish-kompleksit “Partizani” ndërsa në të njëjtën datë, më 30 qershor, është caktuar edhe seanca e parë në themel për dosjen “Partizani”, ku të pandehur për korrupsion janë Jamarbër Malltezi, ish-kryeministri Sali Berisha, si dhe disa biznesmenë.

LEXONI GJITHASHTU:

• Jamarbër Malltezi kërkon në Gjykatën e Lartë heqjen e arrestit në shtëpi
• Çështja “Partizani”, Gjykata e Lartë lë në fuqi masat për Berishën dhe Malltezin