Berisha: Pa rikthimin e votës së lirë, Shqipëria nuk mund të ketë opozitë të vërtetë

Kreu i Partisë Demokratike, Sali Berisha, në një deklaratë për mediat këtë të premte, ka theksuar se prioriteti i vetëm i opozitës është rikthimi i votës së lirë për qytetarët shqiptarë. Ai shtoi se një opozitë që pajtohet me situatën aktuale zgjedhore, sipas tij, “shndërrohet në një satelit pa vlerë në orbitën e pushtetit”.

“Mbrojtja, lufta me të gjitha mjetet që shqiptarët të votojnë të lirë.

Ka vetëm një objekt tani, shqiptarët duhet të votojnë të lirë. Opozitë të vërtetë pa rikthyer votën e lirë, vendi nuk mund të ketë. Nuk mund të jetë opozitë e vërtetë ajo e cila pajtohet me këtë situatë. Sepse ajo shndërrohet, futet si satelit në një orbitë dhe është një opozitë e pavlerë.

Ndaj dhe opozita do mobilizojë të gjithë potencialet e saj t’u rikthejë shqiptarëve votën e lirë. Çdo opsion është në tavolinë, por në tërësi beteja në çdo front është opsioni më i pëlqyer”, tha Berisha.

LEXONI GJITHASHTU:

• Spiropali thirrje Iranit: Ndaloni aktivitetin bërthamor sipas ligjit ndërkombëtar
• Kapet 32-vjeçari i dehur e pa leje drejtimi, ishte në kërkim për shitje narkotikësh