Kapet 32-vjeçari i dehur e pa leje drejtimi, ishte në kërkim për shitje narkotikësh

Shërbimet e Policisë Rrugore në Bradashesh kanë ndaluar një automjet të dyshuar, drejtuesi i të cilit ka paraqitur një foto të lejes së drejtimit të një shtetasi tjetër, për të shmangur kontrollin.

Pas verifikimeve, rezultoi se drejtuesi i automjetit, shtetasi D. Gj., 32 vjeç, banues në Tiranë, ishte në gjendje të dehur dhe pa leje drejtimi.

Gjithashtu, ky shtetas rezultonte i shpallur në kërkim nga Policia e Tiranës, pasi Gjykata e Tiranës e ka dënuar me 3 vite e 4 muaj burgim për veprën penale “Prodhimi dhe shitja e narkotikëve”.

Veprimet e mëtejshme procedurale do të kryhen nga Drejtoria Vendore e Policisë Tiranë.

LEXONI GJITHASHTU:

• Shtyhet seanca për Metën, avokati: SPAK pranoi se akuza për lobimin në SHBA ka rënë
• EMRAT/ Policia godet grupet e drogës në Tiranë, 24 të arrestuar, 8 në kërkim