Pas përplasjes në KAS, policia i ndalon Dogjanit hyrjen në qendrën e numërimit

Pas përplasjes me anëtarin e KAS, Ilir Rusmailin, kandidatit për deputet, Asllan Dogjani i është hequr e drejta për të ndjekur procesin nga pallati i sportit, Farije Hoti.

Policia është njoftuar për të mos lejuar Dogjanin të futet në ambientet e pallatit të sportit ku po zhvillohet procesi i rinumërimit të votave për qarkun e Tiranës.

Kandidati i PD-ASHM, Asllan Dogjani u përplas verbalisht me anëtarin e KAS Ilir Rusmajli gjatë procesit të rinumërimit të votave për qarkun e Tiranës.

Njoftimi i KAS:

“Sot më datë 23.06.2025, ora 12:55, KAS-i vendosi të kërkojë ndihmën e policisë në mjediset e pallatit të Sportit “Farie Hoti”, për të larguar nga mjediset ku zhvillohet numërimi i votave shtetasin Asllan Dogjani, i cili në mënyrë të përsëritur ka shkelur rregullat e vëzhgimit të procesit duke intimiduar numëruesit dhe duke kërcënuar dhe ofenduar anëtarët e KAS-it.

Pavarësisht thirrjeve të vazhdueshme për të ruajtur qetësinë dhe për të respektuar rregullat z. Dogjani ka vazhduar me sjelljen e papranueshme, për këto arsye KAS-i vendos:

T’i ndalojë Z. Asllan Dogjani, qëndrimin e tij në ambjentet e pallatit të sportit dhe t’i kërkojë policisë që të marrë masa për largimin e tij, gjegjësisht të mos lejojë futjen e tij ne mjediset ku zhvillohet numërimi”.

LEXONI GJITHASHTU:

• KAS i shpalli votën të pavefshme, Dogjani përplaset me Rusmalin: Do ju çoj në SPAK
• Berisha publikon pamjet: Një person 4 vota, shqiptarët po e shikojnë farsën