KAS i shpalli votën të pavefshme, Dogjani përplaset me Rusmalin: Do ju çoj në SPAK

Kandidati i PD-ASHM, Asllan Dogjani është përplasur verbalisht me anëtarin e KAS Ilir Rusmajli gjatë procesit të rinumërimit të votave për qarkun e Tiranës.

Dogjani pretendoi se një fletë votimi, e cila ishte për të, ishte shpallur gabimisht e pavlefshme.

KAS pretendoi se vota nuk ishte vendosur brenda kutisë së votimit dhe si e tillë ishte e pavlefshme.

“Vidhni vota, hajdutë! Nuk është hera e parë, gjithë ato vota më keni vjedhur deri tani në të gjitha kutitë. Mos u tallni me votat e qytetarëve se kemi ditë e natë që rrimë këtu. Hajdeni dhe shihni se si e kanë shprehur vullnetin qytetarët. Më heq vota me të padrejtë. Ju më keni hequr vota nga 4-5 çdo sekondë. Turp të keni, do të marr videot një për një dhe do t’i çoj në SPAK. Turp të kesh Ilir, turp”, tha Dogjani.