Dhunoi fëmijën e mitur në familjen ku punonte si sanitare, arrestohet filipinezja

Një shtetase filipineze është arrestuar nga Policia në Sarandë, pas një denoncimi për keqtrajtim të një të mituri në familjen ku ishte e punësuar si pastruese.

Bëhet fjalë për Lorly Caporal, 46 vjeçe, e cila, sipas autoriteteve, dyshohet se ka ushtruar keqtrajtim fizik apo psikologjik ndaj fëmijës së një familjeje në të cilën punonte si pastruese.

Ngjarja është raportuar në mënyrë zyrtare nga Policia e Sarandës:

“Specialistët për Hetimin e Krimeve në Komisariatin e Policisë Sarandë arrestuan në flagrancë shtetasen filipineze L. C., 46 vjeçe. Arrestimi u krye pas kallëzimit të bërë nga shtetasi A. D., i cili deklaroi se kjo shtetase, gjatë kohës që ishte e punësuar si pastruese në banesën e tij, ka keqtrajtuar djalin e tij të mitur.”

Materialet hetimore i janë referuar Prokurorisë pranë Gjykatës së Shkallës së Parë Sarandë, që ka nisur procedurat për zbardhjen e plotë të ngjarjes dhe vlerësimin ligjor të rastit.