Hapësira ajrore iraniane rihapet pjesërisht për fluturimet ndërkombëtare

Hapësira ajrore e Iranit është rihapur pjesërisht këtë të martë, pas armëpushimit të arritur me Izraelin, që i dha fund 12 ditëve përshkallëzimi ushtarak.

Lajmi u konfirmua nga kompania e monitorimit të aviacionit FlightRadar24.

“Sipas njoftimeve më të fundit, hapësira ajrore iraniane është tani e hapur për mbërritjet dhe nisjet ndërkombëtare për në/nga Teherani, por vetëm me leje paraprake,” bëri të ditur kompania në platformën X (ish-Twitter).

Në të njëjtën kohë, hapësira ajrore e Irakut është rihapur gjithashtu, duke lehtësuar qarkullimin ajror në rajon, i cili ishte pezulluar për arsye sigurie gjatë konflikteve.

LEXONI GJITHASHTU:

• Presidenti iranian: Nuk do ta shkelim armëpushimin, por varet dhe nga Izraeli
• Si armëpushimi mes Izraelit dhe Iranit qetësoi tregjet financiare