Hapen 600 vende pune në shtet, aplikojnë të rinjtë e grupmoshës  21-29 vjeç

Nga kjo e premte deri në datën 10 gusht, të rinjtë e arsimuar të moëshës 21-29 vjec, mund të aplikojnë në Programin e Praktikave të Punës në faqen online praktika.riniafemijet.gov.al. Vendimi i qeverisë u lejon 600 të rinjve me diploma në universitete të ndryshme të punësohën përkohësisht në institucione publike.

Ministritë, njësitë vendore dhe institucionet e pavarura kanë hapur postet vakante, për profile studimi në ekonomi, shkenca sociale, inxhineri, shkenca shoqërore, drejtësi e mjekësi.

Çdo i ri që nuk ka marrë pjesë në praktikat e mëparshme mund të aplikojë dhe në rast se përzgjidhet, do të zhvillojë praktike punë për 3 muaj ose 1 vit.

Ai do të firmosë një kontratë, e e cila i garanton edhe pagë për periudhën e punësimit.

Gjatë praktikës, praktikanti përfiton edhe trajtim ushqimor në formën e kompensimit financiar si edhe trajnime pranë Shkollës Shqiptare të Administratës Publike.

Në përfundim të periudhës 3 mujore të praktikës, deri në 250 nga praktikantë përzgjidhen nga institucionet ku kanë kryer praktikën për t’u punësuar me kontratë pune 1 vjeçare. Praktikantët e punësuar do të jenë në nivel specialisti, me page të kategorisë IV-3.

LEXONI GJITHASHTU:

• Rama viziton qendrën e inovacionit ‘Durana Tech Park’: Hapen 5 mijë vende pune
• Rreth 68,000 vende pune në Itali kërcënohen nga tarifat amerikane