Situata e zjarreve në vend, Ministria e Mbrojtjes: 9 vatra zjarri në 24 orë

Ministria e Mbrojtjes ka njoftuar se gjatë 24 orëve të fundit janë raportuar 9 vatra zjarri në pesë bashki: Tiranë, Durrës, Kavajë, Lezhë dhe Berat. Sipas Ministrisë së Mbrojtjes të gjitha vatrat janë neutralizuar me sukses, pa shkaktuar dëme në njerëz, banesa apo gjënë e gjallë.

Në 6 raste, zjarri ka përfshirë sipërfaqe me shkurre dhe barishte, duke shkaktuar djegien e rreth 0.5 hektarëve.

Në 2 raste, zjarri ka rënë në banesa: një në lagjen nr. 5 të Bashkisë Kavajë dhe një në fshatin Ishull Shëngjin, ku janë shkaktuar dëme materiale. Në rastin e Ishull Shëngjinit, për shkak të një rrjedhjeje gazi, është lënduar një grua, e cila u transportua menjëherë në Spitalin e Traumës.

Në një rast tjetër, një automjet privat është përfshirë nga zjarri, duke shkaktuar vetëm dëme materiale.

Në operacionet për shuarjen e zjarreve Ministria e mbrojtjes njofton se janë angazhuar 9 forca operacionale dhe 64 automjete zjarrfikëse.

“Sipas parashikimeve të Institutit të Gjeoshkencave, për ditën e sotme nuk parashikohen reshje shiu.

Sa i përket rrezikut nga zjarret, pritet nivel rreziku “I LARTË” në qarqet: Lezhë, Durrës, Tiranë dhe Fier, ndërsa në qarqet e tjera parashikohet nivel rreziku “I MODERUAR””,-thuhet në njoftimin e Ministrisë së Mbrojtjes.

LEXONI GJITHASHTU:

• Evropa përfshihet nga valët e të nxehtit e zjarret, ndërsa temperaturat kalojnë 40°C
• Të shtëna me armë zjarri pas konfliktit mes disa personave në Tiranë