Presidenti i Sllovenisë takohet me homologen Osmani në Kosovë

Presidenti i Sllovenisë, Borut Pahor të enjten viziton Kosovën dhe do të takohet me homologen kosovare Vjosa Osmani.

Presidenti i Sllovenisë, Borut Pahor do të shkojë në Kosovë pas publikimit të disa dokumenteve “non–paper” që supozohej se kanë dale nga shteti slloven, konkretisht nga zyra e kryeministrit Janez Jansha.

Më herët presidenti slloven ka deklaruar se “mbështet fuqimisht zgjerimin e Bashkimit Europian në vendet e Ballkanit Perëndimor dhe kjo është një çështje gjeopolitike e kategorisë së parë”. Gjithashtu ai ka deklaruar se zgjerimi më i shpejtë i BE-së në Ballkanin perëndimor do të zvogëlojë rëndësinë e ideve naive dhe të rrezikshme për ndryshimin e kufijve që nuk mund të ndodhin paqësisht për shkak të rrethanave.

Pak ditë më parë Pahor vizitoi edhe Tiranën, ku theksoi se është kundër çdo ndryshimi të kufijve në Ballkan.

LEXONI GJITHASHTU: 

• Ndryshimi i kufijve në Ballkan? Presidenti slloven: Nga përvoja dimë që kjo s’bëhet pa flijime
• Jep dorëheqjen Kryeministri i Sllovenisë dhe bën thirrje për zgjedhje të reja
• MPJ njoftim për qytetarët shqiptarë që ndodhen në Suedi dhe Slloveni