EMRI/ I kërkuar nga Italia për trafik droge, arrestohet 36-vjeçari në Durrës

Drejtoria e Forcës së Posaçme Operacionale ka arrestuar në Durrës një 36-vjeçar të shpallur në kërkim ndërkombëtar nga autoritetet italiane.

Si rezultat i operacionit të koduar “Operacionalja 52”, në qytetin e Durrësit u lokalizua, u kap dhe u vu në pranga, me qëllim ekstradimi drejt Italisë, shtetasi Fatjon Berisha alias Bledar Berisha, 36 vjeç, banues në Durrës.

Sipas njoftimit të Policisë, ky shtetas ishte shpallur në kërkim ndërkombëtar, pasi Gjykata e Romës, Itali, kishte caktuar ndaj tij masën e sigurisë “Arrest në burg”, për veprën penale “Trafikimi i lëndëve narkotike, kryer në kuadër të organizatës kriminale”.

Policia bën me dije se, sipas legjislacionit penal italian, kjo vepër parashikon dënim maksimal deri në 20 vjet burgim.

Ndërkohë, vijon bashkëpunimi ndërinstitucional për përfundimin e procedurave të ekstradimit të 36-vjeçarit drejt autoriteteve italiane.

I kërkuar nga Italia për trafik droge, arrestohet 36-vjeçari në Durrës
Drejtoria e Forcës së Posaçme Operacionale ka arrestuar në Durrës një 36-vjeçar të shpallur në kërkim ndërkombëtar nga autoritetet italiane. pic.twitter.com/vHoMspD18e

— Euronews Albania (@EuronewsAlbania) July 8, 2025

LEXONI GJITHASHTU:

• Ishte në kërkim për plagosje të rëndë me dashje, arrestohet 17-vjeçari në Durrës
• VIDEO/ Pas Vlorës, aksioni për lirimin e hapësirave publike nis edhe në Durrës