Mali Vastak në Dukat vijon të digjet, zjarrfikësit luftojnë me flakët me degë pemësh

Zjarrfikësit po përballen me flakët e fuqishme që kanë përfshirë malin Vastak në fshatin Dukat.

Të pajisur me degë pemësh dhe pompa uji shtëpiake, ata po luftojnë në kushte të vështira për të vënë nën kontroll zjarrin, që prej orësh po përhapet me shpejtësi.

Ndërhyrja nga toka ka rezultuar e pamjaftueshme, ndërsa edhe përpjekjet nga ajri nuk kanë mundur të shuajnë vatrën e madhe, e cila po djeg sipërfaqe të tëra kullotash dhe zonash pyjore.

Terreni i thyer dhe era e fortë po e vështirësojnë më tej ndërhyrjen, ndërkohë që zjarri po avancon në drejtim të zonave të tjera të mbrojtura.

Autoritetet janë në gatishmëri, ndërsa u bëjnë thirrje banorëve të jenë të kujdesshëm dhe të bashkëpunojnë me forcat në terren.

Për momentin, flakët mbeten jashtë kontrollit dhe përpjekjet për shuarjen e tyre po vazhdojnë pa ndërprerje.

LEXONI GJITHASHTU:

• Situatë kritike në Dukat, helikopteri ndërhyn për të shuar zjarrin në malin Vastak
• Jo vetëm lirimi i hapësirave publike, deputeti i Vlorës paralajmëron aksione të reja