Dumani: Ndërhyrjet e njëanshme në drejtësi, çbalancojnë kufijtë mes pushteteve

Kreu i Prokurorisë së Posaçme, Altin Dumani, mori pjesë këtë të martë në tryezën e diskutimit me temë “Vlerësim bazë i Pavarësisë dhe Llogaridhënies së SPAK si parakushte për Garantimin e Performancës dhe Integritetit Institucional”, organizuar nga Qendra për Studimin e Demokracisë dhe Qeverisjes.

Në fjalën e tij, Dumani theksoi se ndërhyrjet në sistemin e drejtësisë janë të pranueshme për aq kohë sa ato nuk cënojnë pavarësinë funksionale të institucioneve. Ai paralajmëroi se përpjekjet e njëanshme, që rrezikojnë të prishin balancën kushtetuese midis pushteteve, janë të papranueshme.

“Ndërhyrjet që mbajnë karakter konstruktiv janë të mirëpritura, por çdo përpjekje për të cënuar pavarësinë funksionale nëpërmjet rekomandimeve të paqarta ose të njëanshme rrezikon të çbalancojë kufijtë kushtetues midis pushteteve. Në thelb, ato s’kanë rol detyrues për SPAK, por orientues dhe mbështetës,” u shpreh Dumani.

LEXONI GJITHASHTU:

• Dumani bën bilancin për krimet zgjedhore: Kallëzimet e partive politike të paplota
• Krimet zgjedhore, Prokuroria e Përgjithshme: 107 kallëzime, u arrestuan 7 persona