U kap në flagrancë duke shitur kanabis, arrestohet 21-vjeçari, e pëson dhe blerësi

Një 21-vjeçar, i identifikuar si Fiorel Licenji, është arrestuar nga Policia e Korçës në kuadër të operacionit të koduar “Split”, të ndërmarrë për goditjen e shpërndarjes së lëndëve narkotike në doza të vogla.

I riu dyshohet se shiste doza kanabisi në lagjen nr. 8 të qytetit. Gjatë kontrollit fizik, policia i gjeti dhe sekuestroi disa doza të gatshme për shitje, një celular dhe një shumë parash që dyshohet se është përfituar nga aktiviteti kriminal.

Po ashtu, është proceduar penalisht në gjendje të lirë një 29-vjeçar, i identifikuar si M.K., pasi u kap në flagrancë me doza kanabisi që dyshohet se i kishte blerë nga 21-vjeçari.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme, për veprën penale “Prodhimi dhe shitja e narkotikëve”.

LEXONI GJITHASHTU:

• Arrestohen ekzekutorët e Renis Dobrës, njëri dëshmitar në vrasjen Azem Hajdarit
• Mister pranë liqenit të Shkopetit/ 23-vjeçari gjendet i vdekur, makina brenda ujit