Malltezi pas shtyrjes së gjyqit: Drejtësia e kapur, gjyqtarët s’janë të lirë

Dhëndri i ish-kryeministrit Sali Berisha, Jamarbër Malltezi, reagoi këtë të hënë, pas vendimit të Gjykatës së Posaçme kundër Korrupsionit dhe Krimit të Organizuar për të shtyrë më 15 shtator seancën gjyqësore ndaj për çështjen “Partizani”.

Malltezi akuzoi qeverinë për kapjen e sistemit të drejtësisë, duke deklaruar se gjyqtarët e GJKKO nuk janë të lirë dhe kontrollohen nga ekzekutivi.

“Faza hetimore nga Irena Gjoka është nul. Janë akte të pavlefshme. Rama ka marrë gjithë sistemin e drejtësisë dhe ka bllokuar KLGJ. Sipas ligjit, KLGJ duhet të shprehej brenda 15 ditëve, por kanë kaluar 15 muaj dhe ende nuk është shprehur. Shkeljet janë bërë rutinë nga kjo drejtësi e kapur nga Rama,” tha Malltezi.

Ai shtoi se ka dëshmitarë që kanë dhënë dëshmi të rreme, të cilët sipas tij janë shtyrë të bëjnë deklarata nën presion.

LEXONI GJITHASHTU:

• Dosja “Partizani”, GJKKO shtyn sërish seancën paraprake për Berishën
• Dosja “Partizani”, Gjykata Kushtetuese zbardh vendimin për Jamarbër Malltezin