Zjarri në Sevaster dyshohet i qëllimshëm, flakët përhapen me shpejtësi

Një vatër zjarri është evidentuar në orët e para të mëngjesit të kësaj të enjte, në zonën malore të Sevasterit, në bashkinë Selenicë.

Flakët janë përhapur me shpejtësi, duke djegur një sipërfaqe të konsiderueshme me bimësi, pemë dhe shkurre ndërsa dyshohet për zjarrvënie të qëllimshme.

Për shkak të terrenit të thepisur, ndërhyrja nga toka është thuajse e pamundur, ndërsa zjarri ndodhet në lartësi, pranë malit të Sevasterit.

Situata është duke u monitoruar nga zjarrfikësit e Selenicës dhe, nëse përkeqësohet, pritet të kërkohet ndërhyrje nga ajri.

Temperaturat e larta dhe era favorizojnë përhapjen e flakëve, ndërsa dyshohet se zjarri mund të jetë i qëllimshëm, me qëllim hapjen e kullotave.

Pranë vatrës ndodhen disa stane të cilat rrezikohen nga flakët, por aktualisht nuk paraqitet rrezik për banesat.

LEXONI GJITHASHTU: 

• Situata e zjarreve në qarqe, operacione për shuarjen e flakëve në Dibër, Vlorë e Mat
• VIDEO/ Zjarr masiv në zonën malore të Korinthit, evakuohen banorët e disa fshatrave