Zjarr i rrezikshëm në malin e Shashicës, ndërhyrje nga ajri me avionë grekë

Një vatër zjarri ka shpërthyer këtë mesditë në malin e Shashicës, në Vlorë, duke vënë në alarm autoritetet vendase. Për shkak të terrenit të vështirë, ndërhyrja nga toka është bërë pothuajse e pamundur, çka ka detyruar kërkesën për ndihmë nga ajri.

Dy avionë zjarrfikës nga Greqia janë angazhuar aktualisht në operacionin për shuarjen e flakëve, duke hedhur ujë mbi zonën e prekur.

Zjarri ka përparuar me shpejtësi dhe ka rrezikuar të përfshijë zonën e banuar të fshatit Kaninë, duke shtuar urgjencën për ndërhyrje. Forcat zjarrfikëse dhe strukturat e emergjencës ndodhen në terren dhe po monitorojnë nga afër situatën për të parandaluar përhapjen e mëtejshme të flakëve.

LEXONI GJITHASHTU:

• Aksident tragjik në kthesën e Memaliajt, humb jetën 7-vjeçari, 3 të plagosur
• “Largohuni”- Zjarri rrezikon banesat në Paftal, e moshuara refuzon evakuimin: S’iki