Kisha ku ka “zbritur” një pjesë e qiellit

Një kishë në Britaninë e Madhe, në juglindje të Anglisë, tani ka një pjesë të qiellit brenda ndërtesës së saj, falë një vepre gjigante arti.

“Muzeu i Hënës”, nga artisti britanik Luk Xheram, është një model 3-dimensional i hënës së vërtetë, me diametër prej shtatë metrash.

Artisti ka përdorur foto reale të bëra nga NASA për të krijuar sipërfaqen e hënës.

Fotot janë bërë nga roboti “Lunar Reconnaissance Orbiter’, që NASA-s e ka vendosur në orbitën e hënës.

Çdo centimetër nga vepra e artistit Xheram përfaqëson 5 kilometra nga sipërfaqja e hënës.

Edhe pse tekstura të jep përshtypjen e një sfere të varur në mjediset e kishës, bëhet fjalë për një objekt plastik të fryrë dhe me ndriçim nga përbrenda.

Hëna, trupi qiellor më i afërt me planetin tonë, gjatë të gjithë historisë së Tokës ka qenë burim frymëzimi për poetë, shkrimtarë, shkencëtarë e muzikantë.

Duke qenë se hëna i tregon tokës vetëm njërën anë, shkencëtaret arritën ta shohin anën tjetër vetëm në vitin 1959.

“Muzeu i Hënës” është një mundësi e shkëlqyer për vizitorët që duan të studiojnë nga afër çdo krater, çdo luginë, që tashmë është rikrijuar me detaje shumë të imëta.