Rio de Zhaneiro, shiu nuk e ndal entuziazmin e karnavaleve

Rio De Zhaneiro ka nisur festimet e karnavaleve dhe shiu nuk e ka ulur aspak atmosferën festive që tërheq vëmendjen e botës çdo vit.

Me qindra grupe muzikore u mblodhën te “Sambadroma”, një zonë e ndërtuar enkas për parada, për të marrë pjesë në karnavalet të cilat nisën më datën 21 shkurt.

Gjatë këtyre festimeve, qyteti bregdetar i Rios pret me miliona vizitorë, të cilët tërhiqen nga parada e famshme dhe nga atmosfera e gëzueshme.

Shkollat më të mira të Sambas nisin parakalimin në Sambadromë, ku paraqesin me kërcime kostumet e tyre shumëngjyrëshe, nën tingujt e muzikës.

Më pas, juria do të gjykojë parakalimet duke u bazuar mbi elemente si koreografia, atmosfera e krijuar, niveli i organizimit dhe cilësia e të kënduarit.

Sado që mjedisi aty është i hareshëm, konkurrenca midis shkollave të sambës është në fakt shumë e fortë.

Karnavalet në Rio de Zhaneiro vazhdojnë zyrtarisht deri më datën 26 shkurt.