Lookman gjithnjë e më pranë Interit, zikaltrit kanë gati ofertën e re

Ademola Lookman ka vendosur të mos paraqitet më në stërvitje me Atalantën, duke konfirmuar se dëshira e tij e vetme mbetet Interi, skuadra e cila ka shfaqur itneres për sulmuesin nigerian.

Sipas asaj që raportohet në media, në dy ditët e fundit, Lookman nuk është parë në qendrën stërvitore të bergamaskëve, të cilët deri më tani nuk kanë pranuar asnjë nga ofertat e bëra nga nënkampionët e Evropës.

Veprimet e bëra nga 27-vjecari kanë bezdisur drejtuesit bluzi, ku fillimisht ishte bllokimi në rrjetet sociale më pas postimi i pahijshëm i tij, pasuar tani nga mungesa në seancat stërvitore. Pavarësisht kësaj sjellje, Atalanta nuk ka ndërmend të zbutet, duke bërë me dije se futbollisti nuk do të largohet. Kjo gjë nuk e frikëson Interin, i cili është i sigurt se sezonin e ri, asi nigerian do të jetë në Meazza.

Për këtë është bërë gati oferta e re prej 50 milionë eurosh në drejtim të Atalantës, që me gjasa nuk do të refuzohet. Kujtojmë se më herët, Lookman i tha jo Napolit dhe Atleticos së Madridit, pasi ka arritur akordin personal me Marrotën, për një kontratë deri në vitin 2030. Inter e nisi me një ofertë prej 40 milionë eurosh e më pas 45, por të dyja u refuzuan nga drejtuesit e Atalantës.

LEXONI GJITHASHTU:

• Kupa e Botës për klube, Interi merr fitoren e parë në grup, shkëlqejnë brazilianet
• Ramos i shënon Interit në Kupën e Botës, Chivu debuton me barazim