Po kanoste familjarët me kallashnikov, policia arreston në flagrancë 41-vjeçarin

Policia e Tiranës njofton se ka parandaluar një ngjarje të rëndë në një familje në fshatin Qerekë në komunën e Niklës.

Sipas njoftimit zyrtar, është arrestuar një 41-vjeçar i cili po kanoste me armë familjarët e tij.

Shërbimet e Komisariatit të Policisë Krujë, në bashkëpunim me shërbimet e Komisariatit të Policisë Nr. 5 të Tiranës pasi janë njoftuar se një shtetas po kanoste me armë zjarri kallashnikov familjarët në banesën e tyre në fshatin Qerekë, kanë shkuar në vendin e ngjarjes ku si rezultat i ndërhyrjes së shpejtë, u vu në pranga autori i rastit, shtetasi E.V., 41 vjeç”, thuhet në njoftim.

Po ashtu, në banesën e tij, përveç armës kallashnikov që dyshohet se kanosi familjarët, janë gjetur dhe dy armë gjuetie.

Njoftimi i plotë

“Ndërhyrja e menjëhershme e Policisë, parandalon ngjarjen kriminale në një familje në fshatin Qerekë.

Arrestohet një 41-vjeçar që kanoste për jetën, familjarët e tij.

Në banesën e tij, u gjetën 3 armë.

Shërbimet e Komisariatit të Policisë Krujë, në bashkëpunim me shërbimet e Komisariatit të Policisë Nr. 5, sapo janë njoftuar se një shtetas po kanoste me armë zjarri kallashnikov, familjarët, në banesën e tyre, në fshatin Qerekë, kanë organizuar punën dhe kanë shkuar në vendngjarje.

Si rezultat i ndërhyrjes së shpejtë dhe veprimeve policore profesionale, u vu në pranga autori i rastit, shtetasi E. V., 41 vjeç.

Gjatë kontrollit në banesën e tij, u gjet arma e zjarrit kallashnikov me të cilën dyshohet se kanosi familjarët, si dhe 2 armë gjahu.

Materialet procedurale iu referuan Prokurorisë së Tiranës, për veprime të mëtejshme.”, thuhet në njoftim.

LEXONI GJITHASHTU:

• Humb jetën gjatë punës minatori në Bulqizë, çfarë thotë policia
• SPAK i komunikoi mbylljen e hetimeve, Ilir Meta kërkon lirimin nga paraburgimi