Shkeli perimetrin e sigurisë me Jet Ski në zonën e pushuesve, gjobitet pronari

Policia kufitare në Sarandë kanë ndërhyrë në zonën e Ksamilit, pas një ankese të ardhur në portalin e bashkëqeverisjes, ku denoncohej një mjet Jet Ski që lundronte brenda perimetrit të sigurisë për pushuesit, duke i rrezikuar ata, pamjet të këtij rasti janë publikuan më pas edhe në rrjetet sociale.

Pas verifikimeve, shërbimet e Policisë Kufitare identifikuan mjetin lundrues Jet Ski, në pronësi të shtetasit S. D, ndaj të cilit u vendos masa administrative prej 100 000 lekësh, për “Shkelja e perimetrit të sigurisë, duke lundruar në zonat e ndaluara”, si dhe u bë bllokimi i mjetit lundrues.

Policia Kufitare apelon për të gjithë përdoruesit e mjeteve lundruese që të respektojnë me rigorozitet perimetrin e sigurisë ujore për pushuesit, të zbatojnë rregullat për përdorimin e mjeteve lundruese dhe të qëndrojnë vetëm në zonat e përcaktuara për lundrim.

LEXONI GJITHASHTU:

• Vdekja e turistit anglez në Durrës, arrestohet personi që i dha me qira Jet Ski-në
• Përplasi për vdekje me Jet Ski kunatin, lirohet kundrejt garancisë pasurore i riu