Motorët përplasen me njëri-tjetrin në Konispol, vdes drejtuesi i njërit prej tyre

Një aksident i rëndë ka ndodhur këtë të mërkurë në Konispol, ku nga përplasja e dy motorëve ka ndërruar jetën në vendngjarje 70-vjeçari Urim Çaze ndërkohë që drejtuesi i mjetit tjetër, shtetasi K.A., ka mbetur i plagosur.

Njoftimi i Policisë

“Sot, rreth orës 10:40, në vendin e quajtur “Shkallë”, Konispol, shtetasi K.A., rreth 45 vjeç, duke drejtuar motomjetin e tij, është përplasur me një tjetër motomjet, me drejtues shtetasin U.Ç., 74 vjeç.

Si pasojë e përplasjes, shtetasi U.Ç. ka humbur jetën në vendngjarje, ndërsa drejtuesi tjetër, K.A., ka marrë dëmtime dhe po transportohet për në spital.

Grupi hetimor vijon punën për sqarimin e plotë të rrethanave të aksidentit”, thuhet në njoftim.