Franca çudit me trendin e ri, nëse një i panjohur vjen në dasmë, duhet të paguajë

Në Francë po shfaqet një trend i pazakontë: çifte të reja kanë nisur të shesin ftesa për dasmat e tyre te persona të panjohur, në përpjekje për të mbuluar një pjesë të kostove të ceremonisë.

Ky koncept inovativ është nxitur nga platforma Invitin, një startup me qendër në Paris, themeluar nga Katia Lekarski. Frymëzimi për këtë ide i erdhi Lekarskit pas një pyetjeje naive nga vajza e saj pesëvjeçare, e cila kërkonte të dinte pse nuk merrnin pjesë në dasma. Kjo platformë u jep mundësinë çifteve të përcaktojnë vetë çmimin për pjesëmarrjen dhe të zgjedhin se cilët aplikantë të pranojnë në festën e tyre.

Sipas raportimeve të The Guardian, ky model po ndryshon perceptimin tradicional për dasmat, duke i kthyer ato në përvoja të hapura për publikun që kërkon të përjetojë një ngjarje të veçantë edhe pa një lidhje të drejtpërdrejtë me çiftin.

Të gjithë të ftuarit janë të detyruar të respektojnë disa rregulla bazë, përfshirë veshjen elegante, sjelljen e kulturuar dhe ndalimin e publikimit të fotove pa lejen e organizatorëve. Deri më tani janë realizuar vetëm gjashtë dasma përmes Invitin, kryesisht nga çifte të moshës 25-35 vjeç, por ideja po fiton interes edhe jashtë Francës, në vende të tjera evropiane.

LEXONI GJITHASHTU:

• Britania, Franca dhe Gjermania: Nëse nuk ka dialog, Iranit do i vendosen sanksione
• Britania ndalon grupin e parë të emigrantëve në kuadër të planit pilot me Francën