Zjarret në vend, Rama: 34 vatra aktive, në terren 600 forca, 5 helikopterë e 1 avion

Kryeministri Edi Rama përmes një postimi në faqen e tij në Facebook ka treguar situatën nga zjarret në vend të mërkurën.

Rama thotë se aktualisht janë 34 vatra aktive,  ndërsa në terren janë mbi 600 forca, 5 helikopterë dhe 1 avion italian.

“Një ditë sakrifice dhe krenarie për të gjitha strukturat shtetërore, që vijojnë pa ndërprerje përpjekjet në terren për shuarjen e flakëve në të gjithë vendin

Gjatë 24 orëve të fundit:

34 vatra aktive.

13 të izoluara dhe të shuara.

Në operacione janë angazhuar:

Dhjetëra mjete zjarrfikëse dhe trupa të Shërbimit të Mbrojtjes nga Zjarri dhe Shpëtimi në të gjitha bashkitë e prekura.

Mbi 600 efektivë të Forcave të Armatosura, zjarrfikës, punonjës bashkiakë dhe forca vullnetare.

5 helikopterë dhe 1 avion zjarrfikës Canadair i sjellë bujarisht nga miqtë e shtrenjtë italianë.

Qindra mjete, përfshirë autoambulanca dhe mjete transporti për evakuimin dhe mbështetjen e banorëve.

Vatra që kërkojnë vëmendje në vazhdim: Delvinë, Poliçan, Gramsh, Dropull, Finiq, Berat, Tepelenë dhe Bulqizë, ku forcat nga toka dhe mjetet nga ajri po punojnë pa u ndalur për mbrojtjen e jetës së qytetarëve dhe pronës.

Gatishmëria është maksimale dhe bashkëpunimi mes të gjitha strukturave shtetërore dhe mbështetja e partnerëve europianë dhe emiratas po vijon për të përballuar këtë situatë të vështirë”, shkruan Rama.

LEXONI GJITHASHTU:

• Zjarret në Delvinë shkrumbojnë kishën e fshatit Lefteroho
• “Avionët janë duke u blerë” – Ministri sqaron polemikat mbi mjetet për zjarret