Humbën në malin e Gomenit, policia e Kamzës ndihmon çiftin e turistëve nga Australia

Shërbimet e Komisariatit të Policisë Kamëz i shkojnë në ndihmë një çifti turistësh nga Australia, që humbi orientimin në malin e Gomenit.

“Pasditen e djeshme, menjëherë pas njoftimit se bashkëshortët kishin mbetur të bllokuar në një terren të thepisur, me bimësi të dendur, në këtë mal, shërbimet e Komisariatit të Policisë Kamëz organizuan punën për t’i lokalizuar dhe shkuar në ndihmë.

Pas disa orësh kërkimesh intensive, u bë e mundur gjetja e çiftit nga Australia, i cili u asistua për zbritjen nga zona malore”, bëri me dije policia.

Raportohet se turistët janë në gjendje të mirë shëndetësore.

LEXONI GJITHASHTU:

• Turistët në Durrës zgjedhin historinë, 6500 vizitorë në Kullën Veneciane
• Përfundon ekspedita në kalanë e Gjirokastrës, pasurohet historiku për turistët