Një humbje jete në Kosovë, bie numri i të infektuarve me COVID-19

Kosova në orët e fundit ka shtuar numrin e testimeve të dyshuara për COVID-19, por kjo nuk është reflektuar në shtimin e numrit të të infektuarve.

Instituti i Shëndetit Publik thotë se një qytetar ka humbur jetën, ndërsa janë zbuluar 64 raste pozitive nga 4297 testime të kryera.

Nga fillimi i epidemisë në Kosovë kanë ndërruar jetë 2227 persona, kurse ajo që shihet me shqetësim lidhet me numrin e rasteve aktive.

“Numri total i rasteve pozitive është 107.003 raste nga 575.614 persona të dyshimtë në virusin SARS-CoV-2 dhe 2.227 raste të vdekjes. Gjatë 24 orëve të fundit, janë shëruar 409 pacientë derisa numri i përgjithshëm i të shëruarve deri më sot është gjithsej 100.233 raste, kurse numri i rasteve aktive është 4.543”, thekson IKSHPK-ja.

Rastet pozitive janë nga komunat:

Prishtinë 12 raste, Ferizaj 9 raste, Skenderaj 7 raste, Mitrovicë 6 raste, Prizren 5 raste, Deçan 3 raste, Gjakovë 3 raste, Istog 3 raste, Klinë 3 raste, Malishevë 2 raste, Obiliq 2 raste, Vushtrri 2 raste dhe me nga një rast komunat Drenas, Fushë-Kosovë, Gjilan, Kamenicë, Pejë, Shtime dhe Suharekë.

Kryeministri i Kosovës, Albin Kurti një ditë më parë prezantoi planin qeverisës për katër vitet e ardhshme, ndërsa mes sektorëve prioritarë renditi shëndetësinë dhe menaxhimin e pasojave sociale dhe ekonomike, që janë shkaktuar nga COVID-19.