EMRI/ Përshtati banesën për trafik droge, ja 61-vjeçari që u prangos në Yzberisht

Një 61-vjeçar ka rënë në prangat e policisë, pasi akuzohet se kishte përshtatur banesën e tij në Yzberisht për përpunimin e lëndëve narkotike.

I arrestuari, i cili shfaqet në foton e shpërndarë nga autoritetet, është identifikuar si Shkëlqim Krrashi.

Burime nga policia bëjnë me dije se Krrashi nuk ka precedentë penalë të mëparshëm. Gjatë kontrollit në banesë, uniformat blu sekuestruan rreth 17 kilogramë lëndë të dyshuar narkotike të llojit kanabis në formë çokollate, të ndara në 69 paketime, si dhe 22.5 litra vaj kanabisi.

Sipas vlerësimeve të policisë, sasia totale e drogës kap një vlerë prej afërsisht 500 mijë euro.

LEXONI GJITHASHTU: 

• Drogë dhe vaj kanabisi me vlerë 500 mijë euro, zbulohet banesa në Yzberisht
• The Telegraph: Rënia e shpejtë e bandës më të frikshme të drogës në Shqipëri