Plagosi me armë 28-vjeçarin, Policia identifikon dhe shpall në kërkim 44-vjeçarin

Detaje të reja kanë dalë nga ngjarja e ndodhur pasditen e kësaj të mërkure në Hamallaj të Durrësit, teksa bëhet me dije se i plagosuri është Liridon Rata, tashmë në gjendje kritike për jetën.

Sa i përket autorit të ngjarjes, policia ka mësuar identifikimin e tij dhe është shpallur në kërkim. Të dy të përfshirët janë konfliktuar për motive të dobëta, për çështje vend parkimi

Njoftimi i plotë i policisë:

Rreth orës 16:40, në Hamallaj, dyshohet se gjatë një konflikti për motive të dobëta, shtetasi A. L., 44 vjeç, ka plagosur me armë zjarri pistoletë shtetasin Liridon Rata 28 vjeç, i cili ndodhet në spital, në gjendje kritike për jetën.

Shërbimet e Policisë, sapo kanë marrë njoftimin, kanë shkuar menjëherë në vendngjarje dhe, falë veprimeve të shpejta, kanë identifikuar autorin dhe janë vënë në ndjekje të tij.

Shërbimet e Policisë vijojnë kontrollet në zonë dhe në ambiente të ndryshme, ku dyshohet se mund të jetë fshehur 44-vjeçari.

Grupi hetimor vijon punën për zbardhjen dhe dokumentimin e plotë të rrethanave të ngjarjes.

LEXONI GJITHASHTU:

• EMRI/ Plagosje me armë zjarri në Hamallaj të Durrësit, kush është autori i ngjarjes
• Zhduket ish-zv.drejtori i AKSHI-t, denoncimi bëhet në polici nga familja