Zgjidhet ngërçi politik, kush është kryeparlamentari i ri i Kosovës

Dimal Basha është zgjedhur kryetar i Kuvendit të Kosovës, duke i dhënë fund ngërçit shtatëmujor për moskonstituimin e Parlamentit. Në seancën e 55-të të Kuvendit, Basha mori 73 vota pro, duke përfituar edhe nga mbështetja e Partisë Demokratike të Kosovës, ndërsa Vetëvendosja dha 57 vota.

Zgjedhja e Bashës hap rrugën për përfundimin e procesit të konstituimit të Kuvendit dhe formimin e qeverisë së re.

Sipas biografisë së publikuar në uebfaqen e Lëvizjes Vetëvendosje, Dimal Basha ka lindur më 12 tetor 1979 në Prishtinë dhe jeton në Ferizaj. Ai ka përfunduar studimet e larta në “John Jay College of Criminal Justice” në New York në drejtimin “E Drejta Penale Ndërkombëtare”, si dhe masterin në Marrëdhënie Ndërkombëtare me fokus në “Konflikt dhe Siguri” në “The Neë School University” po në New York.

Basha ka shërbyer si deputet i Kuvendit për dy mandate dhe tani për herë të tretë. Ai ka qenë pjesë e Komisionit për Punë të Jashtme, Komisionit për Legjislacion, Komisionit për Mbikëqyrjen e AKI-së dhe Komisionit për Stabilizim-Asociim.

LEXONI GJITHASHTU:

• Dimal Basha zgjidhet kryetari i ri i Kuvendit të Kosovës
• Dështon sërish konstituimi i Kuvendit të Kosovës, “bien” 3 kandidatët e LVV