EMRAT| Sekuestrohet mbi 1 kg kokainë në një lokal në Tiranë, 4 të arrestuar

Policia e Tiranës ka arrestuar 4 persona të cilët u kapën në flagrancë në një lokal me një pako me lëndë narkotike kokainë. Në kuadër të operacionit të koduar “Twins” u vunë në pranga shtetasit Armet Latifaj, 25 vjeç; Gëzim Pashaj, 30 vjeç; Petros Koronoias, 18 vjeç dhe Jastin Zaimi, 18 vjeç.

“Shërbimet e Policisë kanë lokalizuar në një lokal në rrugën “Myslym Shyri”, shtetasit Armet Latifaj dhe Gëzim Pashaj, të cilëve iu gjet një sasi lënde narkotike kokainë, që dyshohet se e posedonin me qëllim shitjen. Ndërsa shtetasit Petros Koronoias dhe Jastin Zaimi, shtetas grekë, nuk kanë kallëzuar për krimin, shokë me 2 të arrestuarit e lartpërmendur.

Më tej, nga hetimet ka rezultuar se shtetasit Armet Latifaj dhe Gëzim Pashaj përdornin automjetet e tyre tip “Benz”, të ngjashme me njëra-tjetrën, për transportimin dhe shpërndarjen e lëndës narkotike, me qëllim konfuzimin e Policisë”, bëri me dije policia.

Lënda narkotike, së bashku me 2 automjetet, celularët e shtetasve të arrestuar, dhe një shumë parash, u sekuestruan në cilësinë e provës materiale.

LEXONI GJITHASHTU:

• Shqiptari në Itali kapet me kokainë në makinë, për pak u aksidentua me policinë
• Operacioni anti-drogë, SPAK: Janë sekuestruar 17 ton kokainë dhe milona euro pasuri